Alternate Text

زۆرترین بینراو

Alternate Text

مەم بورهان لەسەر ٢٠ ملیارەکەی سلێمانی زانیاری بە تۆری میدیایی بینەر دەدات

کوردستان

بینراو 180

پێش 1 هەفتە

Alternate Text
+ -

لە ماوەی رابردوودا بە نوسراوێکی فەڕمی بەرێوەبەرایەتی گشتیی رۆشنبیریی سلێمانی بڵاویکردەوە، کە سەدان ملیۆن دیناری خەرجکردووە بۆ کۆمەڵێک هونەرمەند و کۆمپانیا بۆ بەرهەم‌هێنانی کاری هونەری، کە هیچ پرۆژەیەکیان دیار نییە نازانرێت ئەو پارانە بۆ چی پرۆژەیەک خەرجکراوە".

بۆ ئەو مەبەستە پەرلەمان لیژنەی پێکهێناوە لەسەر خەرجکردنی ئەو برە پارەیە مەم بورهان قانع ئەندام پەرلەمانی کوردستان هاوکات ئەندامی لیژنەکەش بە تۆری میدیایی بینەری راگەیاند، "بۆ جاری دووەم لەگەڵ بەرێوەبەری گشتیی رۆشنبیریی سلێمانی و ستافی بەرپرس لە بەرێوەبەرایەتییەكەی دا، كۆبوونەتەوە و تاوتوێی بەشێكی دیكەی وردەكاریی چۆنێتیی سەرفكردنی ئەو بڕە پارەیان كردووە".

راشیگەیاند، " دوای دانیشتمان لەگەڵ بەرێوەبەری گشتیی رۆشنبیریی سلێمانی و ستافی بەرپرس لە بەرێوەبەرایەتییەكەدا لەسەر ٢٠ ملیارەکەی سلێمانی داوای هەر دیکۆمێنتکمان کرد خرایە بەردەستمان، ئێمە وەک لیژنەی پەرلەمانی داوای هەر دیکۆمێنتێک بکەین لە هەر فەرمانگەیەکی حکومی ناچارییە ئەوا دەبێت بخرێتە بەردەستمان".

مەم بورهان قانع روونیشیکردەوە، "لە چەند رۆژی داهاتودا و دوابەدوای كۆبونەوەیەكی دیكەی لیژنەی لێكۆڵینەوە، راپۆرتێك سەبارەت بەم پرسە و تێبینییەكانی لیژنەكە لەسەر لایەنەكانی پەیوەنددار بە بوارەكانی یاسایی و كارگێڕیی و ژمێریاریی لەروی چۆنێتیی سەرفكردنی پارەكەدا، بۆ سەرۆكایەتیی پەرلەمانی كوردستان بەرزدەكرێتەوە و دواتر رایگشتیی كوردستان لە وردەكارییەكەی ئاگاداردەبێت".

لە ئێستادا تۆری میدیایی بی ئێم سی بەدواداچوونی ورد بۆ ئەو ٢٠ ملیار دینارە دەکات کە بۆ ژێرخانی رۆشنبیری و هونەریی سلێمانی خەرجکراوە.



Copyright 2019 BMC TV. All right reserved

Designed and Developed by AVESTA GROUP