Alternate Text

زۆرترین بینراو

Alternate Text

"لەسەر خەرجكردنی ٢٠ ملیار دینارەكە ژمارەیەکی زۆر بەڵگە بەر دەست ئێمە کەوتووە"

کوردستان

بینراو 92

7 رۆژ پێش ئێستا

Alternate Text
+ -

دوای ئەوەی لیژنەی رۆشنبیری، کۆمەڵگەی مەدەنی و وەرزش لە پەرلەمانی کوردستان بە مەبەستی بەدواداچوون و لێکۆڵینەوە لە پرسی خەرجکردنی ٢٠ ملیار دیناری ساڵانەی تایبەت بە شاری سلێمانی، سەردانی بەڕێوەبەرایەتی رۆشبیری سلێمانی-یان کرد.

موسلیم عەبدوڵا قەسری، پەرلەمانتار لەسەر لیستی کۆمەڵی ئیسلامی لە پەرلەمانی کوردستان، وەک یەکێک لە ئەندامانی لیژنەکە، بە تۆری میدیایی بی ئێم سی راگەیاند، "بۆ جاری دووەمە لەگەڵ بەرێوەبەری گشتیی رۆشنبیریی سلێمانی و ستافی بەرپرس لە بەرێوەبەرایەتییەكەی دا كۆبوونەتەوە، بەشێک لەو بەڵگەنامەنای ئێمە داوامان کردبوو توانیمان دەستمان بکەوێت، ئێمە لەو بارەیەوە دانیشتن ئەنجام دەدەین وبە پیی ئەو بەڵگەنامەنەی لەمانە وەڵامیان دەدەینەوە".

موسلیم عەبدوڵا قەسری ئاماژەی بەوەشکرد، "جارێ بەدواداچوون بۆ پرسەکە بەردەوامە، وە ئەو کاتەی بە بەڕێوەبەرایەتی رۆشبیری سلێمانی دراوە لەسەر پێدانی بەڵگە پێمان توانراوە ژمارەیەکی زۆر بەڵگە بەر دەست ئێمە بکەوێت، ئەمە جگە لەوەی لە دانیشتنەکانی ئایندەدا لەگەڵ بەرێوبەرایەتی رۆشنبیری بریارە بەڵگەی زیاتر بدەن بە ئێمە".

پەرلەمانتارەکەی کۆمەڵ وتیشی، "من جارێ بەڵگەنامەکانم نەخوێندووەتەوە، بۆیە جارێ ناوی هیچ هونەرمەندێک ناڵێم، تا خۆم بەڵگەنامەکان نەخوێنمەوە، بەڵام لە چەند رۆژی داهاتوودا و دوابەدوای كۆبونەوەیەكی دیكەی لیژنەی لێكۆڵینەوە، راپۆرتێك سەبارەت بەم پرسە و تێبینییەكانی لیژنەكە لەسەر لایەنەكانی پەیوەنددار بە بوارەكانی یاسایی و كارگێڕیی و ژمێریاریی لەروی چۆنێتیی سەرفكردنی پارەكەدا، بۆ سەرۆكایەتیی پەرلەمانی كوردستان بەرزدەكرێتەوە و دواتر رایگشتیی كوردستان لە وردەكارییەكەی ئاگاداردەبێت".

لە ئێستادا تۆری میدیایی بی ئێم سی بەدواداچوونی ورد بۆ ئەو ٢٠ ملیار دینارە دەکات کە بۆ ژێرخانی رۆشنبیری و هونەریی سلێمانی خەرجکراوە، توانیویتێ بەشێکی زۆر لە ئەندامانی لیژنەی پەرلەمان لەسەر ئەو پرسە وەربگرێت، لەگەڵ هونەرمەندانی بەشدار لە پرسەکەدا.

Copyright 2019 BMC TV. All right reserved

Designed and Developed by AVESTA GROUP