Alternate Text

زۆرترین بینراو

Alternate Text

سلێمانی... چاودێری ورد دەخرێتە سەر فرۆشگای قوتابخانەكان

کوردستان

بینراو 52

6 رۆژ پێش ئێستا

Alternate Text
+ -

قائیمقامیەتی قەزای مەڵبەندی سلێمانی رایدەگەیەنێت، لەپێناو پاراستنی تەندروستی خوێندكاران، لیژنە هاوبەشەكان بەبەردەوامی سەردانی ناوەندەكانی خوێندن دەكەن بۆ پشكنینی ئەو خواردن و خواردنەوانەی لە فرۆشگاكان دەفرۆشرێت.

قائیمقامیەتی قەزای مەڵەندی سلێمانی لە راگەیەنراوێكدا كە وێنەیەكی دەست تۆری میدیایی بینەر كەوتووە بڵاویکردووەتەوە، "قائیمقامی سلێمانی لیژنە هاوبەشەكانی قائیمقامیەتی راسپاردووە رۆژانە سەردانی فرۆشگای ناوەندەكانی خوێندن بكەن و پشكنین بۆ ئەوخواردن و خواردنەوانەی بە خوێندكاران دەفرۆشرێت ئەنجام بدەن ئەمەش لەپێناو پاراستنی تەندروستی خوێندكاران".

ئاماژەی بەوشکردووە، "جێبەجێكردنی مەرجەكانی تەندروستی یەكێكە لە بنەمانی كاركردن لە فرۆشگای قوتابخانەكاندا بۆیە پێویستە خاوەنەكانیان پابەندبن بەمەرجەكانی كاركردن بەپێچەوانەوە سزای شوێنەكە دەدرێت".

باسی لەوشکردووە، "قوتابخانەكان پابەندن بەجێبەجێكردنی لیستی ‌ئەو خواردن و خواردنەوانەی لەلایەن بەڕێوەبەرایەتی تەندروستی سلێمانیەوە ئامادەكراوە‌ و‌ رێگری لە فرۆشتنیان لەناوەندەكانی خوێندن دەكات كەلە (شیر و شەربەتی پاكەت، بنێشت، نوقڵ، لەفەی سورەكراو، هەموو جۆرەكانی چپس و خواردنەوە گازییەكان) پێكهاتوون".

جەختیشکردووەتەوە، "لیژنە هاوبەشەكانیان لەڕووی چاودێری بازرگانییەوە رێگری لەگرانفرۆشی لەناوەندەكانی خوێندن دەكات بەجۆرێك نابێت نرخی خواردەمەنیەكانی لەدەرەوەی فرۆشگای خوێندنگاكان زیاتر بێت".

هەروەها ڕاشیگەیاند، "لەگەڵ چاودێری فرۆشگاكاندا لیژنەكان پشكنین بۆ تەنكیی ئاوی خووێندنگا و باخچەی منداڵان و دایەنگەكانیش دەكات، بۆیە پێویستە تانكی ئاوەكان سەربانی ناوەندەكانی خوێندن خاوێن كرابێتنەوە بۆئەوەی نەبێتە هۆی پیس بونی ئاوی خواردنەوەی قوتابخانەو باخچەكان".

 
 
 

Copyright 2019 BMC TV. All right reserved

Designed and Developed by AVESTA GROUP