Alternate Text

زۆرترین بینراو

Alternate Text

مەلا بەختیار لەبارەی کۆڕەکەی سبەینێوە روونکردنەوە دەدات

کوردستان

بینراو 293

پێش 2 هەفتە

Alternate Text
+ -

رۆژی شەممە 9/11/2019 کاتژمێر سێی دوانیوەڕۆ، لە هۆڵی عیزەدین مستەفا رەسوڵ، لە هۆتێل گراند ملینیۆم شاری جوان، ناوەندی رۆشنگەریی چاودێر، کۆڕێک بۆ مەلا بەختیار، لێپرسراوی دەستەی کارگێڕی مەکتەبی سیاسیی یەکێتی رێکدەخات.
کۆڕەکە بە ناونیشانی (کاریگەریی جیهانگیری و سۆسیال-میدیا لەسەر راپەڕینەکان) بەڕێوەدەچێت و تێیدا مەلا بەختیار، باس لە کاریگەری و رۆڵی جیهانگیری و سۆسیال- میدیا لەسەر راپەڕین و خۆپیشاندانەکانی جیهان و بە تایبەتی عێراق و  ناوچەکە دەکات.

 

لای خۆیەوە مەلا بەختیار لە روونکردنەوەیەکدا بۆ ئامەدەبوانی کۆڕەکە ئاشکرایدەکات،

 

لەم كۆڕەدا، هەوڵ دەدەم سێ چارەكە سەعات لەسەر بابەتەكە بدوێم. زیاتر لە سەعاتێكیش ، بواری دیالۆگ دیدەدرێ.

وتیشی، جگە لە شیكردنەوەی چەمكی جیهانگیری‌و سۆسیال – میدیا، هەروەها، باسكردنی خەسڵەتەكانی ڕاپەڕینە بەردەوامەكانی ئێستا، باسی هۆكارە، ئابوری، سیاسی، كۆمەلایەتی‌و سایكۆلۆژیەكانی راپەرینەكانیش لەژێر كاریگەریەكانی جیهانگیری‌و سۆسیال – میدیادا، رون دەكەمەوە.

ئاوڕێك لەو راستیەش دەدەمەوە كە سەردەمەكە، كاریگەری لەسەرجەم كاریكەیە ئایینی‌و مەزهەبی‌و ئایدۆلۆژی‌و

نەریتە دواكەوتوەكان، زیاترە.

لەكۆتاییشدا، باسێكی ئەركە دیموكراسی‌و مەدەنیەكانی هەلومەرجەكە سەبارەت بە لایەنە سیاسیەكان‌و ئەگەری سەرهەڵدانی لایەنی سیاسی نوێش دەكەم.

بیری ئامادەبوانیشی دەخەمەوە، كە ئایا، ئەم ڕاپەڕینانە لەدوای جەنگی ساردەوە، پێشبینی كراوە؟ هەروا، ئایا چەمكی ( ڕاپەڕینی بەردەوام)یەكەمین جار لە كوردستان چ سیاسەتمەدارێك باسی كردوە؟
بەهیوام، كۆڕەكە، بەدیالۆگی وشیارانە وەڵامی كۆمەڵێك پرسیاری بێ وەڵام بداتەوەو راستیەكانیش، لەتەمومژی پڕوپاگەندە، دوربخاتەوە. بەڵكو پێكەوە بتوانین، ڕوانگەیەكی نوێ بۆ سیاسەتی كوردایەتی بخەینە ڕوو.

Copyright 2019 BMC TV. All right reserved

Designed and Developed by AVESTA GROUP