Alternate Text

زۆرترین بینراو

Alternate Text

سێ وەزیر بەتۆمەتی ئەنجامدانی گەندەڵی دادگایی دەکرێن

ڕۆژهەڵاتى ناوەڕاست

بینراو 82

پێش 3 هەفتە

Alternate Text
+ -

دوای خۆحپیشاندانەکانی لوبنان و دەستلەکارکێشانەوەی سەعد حەریری، سەرۆک وەزیرانی لوبنان، بڕیارە هەریەکە لە وەزیرانی راگەیاندنی لوبنان و دوو وەزیری پێشوی پەیوەندیەکانی ئەو وڵاتە بەتۆمەتی گەندەڵی و بەفیڕۆدانی سامانی گشت وڵات، درانە دادگای تاوانەکانی تایبەت بە دادگاییکردنی بەرپرسە باڵاکان.

دەزگای نیشتیمانی بۆ راگەیاندن و سەرچاوە دادوەریەکانی لوبنان بڵاویکردەوە، "عەلی ئیبراهیم، جێگری داواکاری گشتی لوبنان هەریەکە لە جەمال جەراح، وەزیری راگەیاندن و نیکۆلاس سەحناوی و بەترەس حەرب، وەزیرانی پێشوی پەیوەندیەکانی لوبنانی رەوانەی دادگا کردون بەتۆمەتی ئەنجامدانی گەندەڵی".

لە وەڵامی جێگری داواکاری گشتی لوبناندا، نیکۆلاس سەحناوی، وەزیری پێشوی پەیوەندیەکانی لوبنان لەتویتێکدا لەهەژماری تایبەتی خۆی لەتۆڕی کۆمەڵایەتی تویتەر نوسیویەتی، "من ئامادەم لەبەردەم ئەنجومەنی دادوەری بوەستم، زۆر دڵنیام هیچ هەڵەیەکم لە بەڕێوەبردنی پۆستەکەم و خزمەتی گەلدا ئەنجامنەداوە".

وەزیری راگەیاندنیش لەوبارەیەوە وتی، "داواکاری گشتی مافی دەرکردنی فەرمانی دادگایکردنی ئێمەی نیە، پێویستە بۆ ئەو کارە رەزامەندی هەرسێ دەسەڵاتەکەی لوبنان وەربگیردرێت".

ئەوە بە یەکەمین دۆسیەی دادوەری هەژماردەکرێت، کە بەرزکرابێتەوە لەدژی بەرپرسە باڵاکانی ئەو وڵاتە، لە دوای دەستپێکردنی خۆپیشاندانەکانی لوبنانەوە، کە بەهۆی قەیرانی ئابوری ئەو وڵاتەوە لە ١٧ی ئۆکتۆبەر دەستیپێکرد و تا ئێستاش بەردەوامی هەیە.

خۆپیشاندەران بەردەوام ناڕەزایەتی دەردەبڕن لەبەرامبەر دەسەڵاتدارانی ئێستای وڵاتەکەیان، بە گەندەڵ و کەمتوانا لە چارەسەرکردنی قەیرانەکانی وڵاتەکەیان ناویان دەبەن. 

Copyright 2019 BMC TV. All right reserved

Designed and Developed by AVESTA GROUP