Alternate Text

زۆرترین بینراو

Alternate Text

خۆپیشاندەرێکی دیکە لە شاری بەغدا کوژرا

عێراق

بینراو 60

پێش 3 هەفتە

Alternate Text
+ -

ئەمڕۆ هەینی لە خۆپیشاندانەكانی شاری بەغداد، خۆپیشاندەرێك بە گوللـەی هێزە ئەمنیەكان كوژرا، هاوكات بەندەری ئوم قەسەر لە پارێزگای بەسرە بە زەبری هێزە ئەمنیەكان بە خۆپیشاندەران چۆڵكراو بەندەرەكە كرایەوە.

بەپێی هەواڵێكی سكای نیوزی عەرەبی، لە خۆپیشاندانەكانی ئەمڕۆ هەینی لە شەقامی رەشیدی شاری بەغداد، خۆپیشاندەرێك بە گوللـەی هێزە ئەمنیەكان كوژراوە.

هەر لەو بارەیەوە ئاژانسی رۆیتەرز لەزاری چەند بەرپرسێكی بەندەری "ئوم قەسر"ەوە بڵاویكردەوە، ئەمڕۆ هەینی هێزە ئەمنییەكان توانیویانە دوای بڵاوەپێكردنی خۆپیشاندەران بەزەبری هێز، بەندەری ئوم قەسر بكەنەوە.

ئاژانسەكە لەزاری ئەو بەرپرسانەی بەندەرەكەوە بڵاویكردۆتەوە كە كارمەندان توانیویانە بچنە نێو بەندەری ئوم قەسر كە لە رۆژی دوشەممەوە لەلایەن خۆپیشاندەرانەوە داخرابو.

ئەوە لە کاتێکدایە، خۆپیشاندانەکانی عێراق لە ٢٥ی تشرینی یەکەمەی ئەمساڵەوە بەردەوامی هەیە، داوا دەکەن خزمەتگوزارییە تەندروستی و پەروەردەییەکان و پرۆژەی ئاوەدانکردنەوە زیاتر بکرێن، لەگەڵ ئەوەشدا داواکارن دەستەی نەزاهە لێپرسینەوە لە گەندەڵکاران بکات، تا ئێستا بەڵێنەکانی حکومەت خۆپیشاندەرانیان رازینەکردوە و بەردەوامن لە خۆپیشاندان، بەپێی دواین زانیارییەکانیش زیاتر 235 کەس کوژران و زیاتر لە 15 هەزار کەسیش برینداربون.

Copyright 2019 BMC TV. All right reserved

Designed and Developed by AVESTA GROUP