Alternate Text

زۆرترین بینراو

Alternate Text

لایەن سیاسییەکان باسیان لە سێ کەسایەتی کردووە بۆ جێگرەوەی عەبدولمەهدی

عێراق

بینراو 246

پێش 4 هەفتە

Alternate Text
+ -

لایەنە سیاسیەکانى عێراق باسیان لە سێ کەسایەتى کردووە بۆ جێگرەوەى عادل عەبدولمەهدى سەرۆک وەزیرانی ئێستای عێراق.

بە پێی هەواڵێکی ئاژانسى هەواڵى (سپوتنیک)، لایەنە سیاسییەکان لە پێناو کۆتایى پێهێنانى ئەم بارودۆخەى عێراق گفتۆگۆیان لەسەر جێگرەوەیەک بۆ عادل عەبدولمەهدى کردووەو، بۆ ئەو مەبەستەش باسیان لە ٣ کەسایەتی کردووە بۆ پۆستى سەرۆکوەزیران.

ئەو سەرچاوەیەی بە ئاژانسەکەی راگەیاندووە ئاماژەی بۆ ئەوەشکردووە، یەکێک لەو کەسانە لەسەر ئاستى عێراق ناسراوە بەڵام لایەنەکان لەبەر بونى لایەنگرى حزبى ئەو کەسەیان قبوڵنەکردووە بۆ ئەو پۆستە و رەتکراوەتەوە.

باس لەوەشکراوە، لەئێستادا سەرجەم لایەن عێراقییەکان و تەنانەت لایەنى نزیک لە ئێرانیش گەیشتونەتە ئەو بڕوایەى کە گۆڕینى عادل عەبدولمەهدى بووەتە کارێکى پێویست و دەبێت بەو هەنگاوە کۆتایى بە قەیرانى سیاسى و خۆپیشاندانەکانى وڵات بهێنرێت.

بەڵام سەرچاوەکە ناوى ئەو سێ کەسەى ئاشکرا نەکرد کە بۆ جێگرەوەى عەبدولمەهدى گفتوگۆیان لەبارەوە کراوە، تەنها ئاماژە بەوە کراوە کە لایەنەکان دەیانەوێت کەسێکى سەربەخۆو دوور لە پشکپشکێنەى حزبى بۆ ئەو پۆستە دیاریبکەن، ئەمەش وەک بەدەمەوەچوونى داواکەى مەرجەعى باڵاى شیعەکان کە لە نوێژى هەینى رابردوودا داواى لە حکومەتى عێراق کرد، دورکەونەوە لە پشکپشکێنە و لەسەر بنەماى دلسۆزى و پیشەیى پۆستەکان پڕبکرێنەوە.

ئەوە لە کاتێکدایە،بەهۆى هەژمونى وڵاتانى دراوسێ و جیاوازى پێکهاتە و نەتەوەیى ناوخۆ و ململانێى حزب و لانە سیاسییەکان لە عێراق، پڕکردنەوەى پۆستى سەرۆکوەزیران زۆرترین مشتومڕ و کێشمەکێشى سیاسى لەسەرەو بەئاسانى سەرجەم لایەنەکان لەسەر کەسێک بۆ ئەو پۆستە ڕیکناکەون.

 لەم کابینەیەى ئێستاى پەڕلەمانیش دوای نزیكەی ٤ مانگ لە هەڵبژاردن لایەنە سیاسیەكان لەسەر عادل عەبدولمەهدی بۆ پۆستی سەرۆكوەزیران یەكلاییبونەوە.

Copyright 2019 BMC TV. All right reserved

Designed and Developed by AVESTA GROUP