نەتەوەیەکگرتوەکان لەبارەى ئاوارەکانى رۆژئاواى کوردستانەوە رایدەگەیەنێت، هێشتا زیاتر لە (٧٥) هەزار هاوڵاتى رۆژئاواى کوردستان ئاوارەن.

ئەمڕۆ هەینى نوسینگەى کاروبارى مرۆیى نەتەوەیەکگرتوەکان راپۆرتێکى لەبارەى دۆخى رۆژئاواى کوردستان و ئاوارەکانەوە بڵاو کردەوە و تێیدا ئاماژە بەوەکراوە کە (١١٧) هەزار و (١١٣) کەس گەڕاونەتەوە زێدى خۆیان، بەڵام هێشتا (٧٥) هەزار و (٤٣٨) کەس ئاوارەن.

ئەوەشى خستوەتەڕوو، کە لەو ژمارەیە (٣١) هەزار و (٧٥٠)یان منداڵن و (١٨) هەزار و (٨٦٠)شیان ژنن.

ئەوە لەکاتێکدایە بەهۆى لەشکرکێشى سوپاى تورکیاوە هەزاران هاوڵاتى لە رۆژئاواى کوردستان ئاوارە بوون و ژمارەیەکیان روویان لە هەرێمى کوردستان کردوە.