Alternate Text

زۆرترین بینراو

Alternate Text

ئێران هەڕەشە لە ئیسرائیل و سعودیە و ئەمریکا دەکات

ڕۆژهەڵاتى ناوەڕاست

بینراو 155

پێش 3 هەفتە

Alternate Text
+ -

جێگری سەرۆكی ئێران، هۆشداری داوەتە دەوڵەتانی ناوچەكە لە ئەگەری رونبوونەوەی دەستتێوەردانیان لە پشێوییەكانی ئەم دواییانەی ئێران، دەڵێت: ئەگەر بەرونی دەربكەوێت ئەو كارەیانكردووە هەرگیز ژیانێكی سەلامەتیان نابێت.

ئاژانسی رۆیتەرز بڵاویکردەوە، كە بەپشت بەستن بە ئاژانسی فارسنیوزی نیمچە فەرمی ئێران گواستویەتییەوە،"ئیسحاق جیهانگیری، جێگری سەرۆكی ئێران،هۆشداری داوەتە دەوڵەتانی ناوچەكە، ئەگەر دەركەوت ئەوان دەستیان هەبووە لە بزواندنی خۆپیشاندانەكانی ئەم دواییەی ئێران و وتویەتی ،"ئەگەر ئەمە دەركەوت هەرگیز ئەو دەوڵەتانە ژیانێكی ئاسایی و سەلامەتیان نابێت".

لەو رووەوە جێگری سەرۆكی ئێران سەركۆنەی هەریەك لە سیاسەتی دەرەوەی ولایەتە یەكگرتوەكانی ئەمریكا، ئیسرائیل و عەرەبستانی سعودیەی كردووە كە دەستیان هەبووە لە بزواندنی ئەو خۆپیشاندانانەی كە بەهۆی زیادكردنی نرخی بەنزینەوە هاتە ئاراوە و پێی راگەیاندوون، "دەستوەردان لە كاروباری ئێران ئاسان نیە و ئەگەر بەرونی دەربكەوێت ئەو كارەیانكردوە هەرگیز ژیانێكی سەلامەتیان نابێت".

١٥ی ئەم مانگە، حکومەتی ئێران بە شێوەیەکی لەکاناو بڕیاریدا نرخی بەنزین بە رێژەی زیاتر لەسەدا ١٢٥ بەرزبکاتەوە، ئەوەش خۆپیشاندانی ناڕەزایی بەشێک لە هاوڵاتیانی ئەو وڵاتەی لێکەوتەوە، کە رۆژنامەکە بە "خراپترین دۆخی ئێران لە ماوەی دوو ساڵی رابردودا" باسیکردووە.

وتەبێژی دەسەڵاتی دادوەری ئێران وتیشی، "گەل بێبەرییە لەو ئاژاوانەى لە چەند رۆژى رابردودا رویانداوە و توانراوە بە هەوڵى هێزە ئەمنییەکان ئارامى بۆ وڵات بگەڕێنرێتەوە". 

Copyright 2019 BMC TV. All right reserved

Designed and Developed by AVESTA GROUP