به‌ڕێوه‌به‌رایه‌تیی گشتیی ئاو و ئاوه‌ڕۆ له‌ راگه‌یاندراوێكدا ئاماژه‌ به‌وه‌ كرد، بۆرییەکی ئاوى ئیفراز شكاوه و تیمه‌كان خه‌ریكى چاككردنه‌وه‌ین.

ئه‌مڕۆ یه‌كشه‌ممه‌ ٢٤ی تشرینی دووەمی ٢٠١٩ ، به‌ڕێوه‌به‌رایه‌تیی گشتیی ئاو و ئاوه‌ڕۆ راگه‌یاندراوێكى له‌ پەڕەی فه‌رمیی خۆى، له‌ تۆڕى كۆمه‌ڵایه‌تیی (فه‌یسبووك) بڵاو كرده‌وه‌، تێیدا هاتووه‌، "بۆریی سەرەکیی هه‌زار و ٥٠٠ ملم پرۆژەی ئاوی ئیفراز سێ شکا، تیمەکانی چاککردنەوەی بەڕێوەبەرایەتیی ئاوی هەولێر لە باکوور و ڕۆژهەڵاتی شاری هەولێر خەریکی چاکردنەوەن".

رونیشیکراوەتەوە، به‌م هۆیەوە کەم ئاوی لە گەڕەکانی هەولێری نوێ، حەسارۆک، قەرەبوو و ڕاپەڕین دروست دەبێت.

له‌راگه‌یاندراوه‌كه‌دا داوا لە هاووڵاتییان كراوه‌ ئه‌و ئاوه‌ى له‌نێو تانكیی ماڵه‌وه‌یان ماوه‌ته‌وه‌، کەمتر بەکارى بهێنن تا بۆرییەکەی ئاوی ئیفراز چاک دەکرێتەوە.