Alternate Text

زۆرترین بینراو

Alternate Text

بەرهەم ساڵح: دەبێت ئەم کۆنگرەیە ببێتە مایەی نوێبوونەوە و هەستانەوەی یەکێتی

کوردستان

بینراو 200

پێش 2 هەفتە

Alternate Text
+ -

جێگری دووەمی سکرتێری گشتی یەکێتیی نیشتمانیی کوردستان لەگەڵ ئەنجوومەنی ناوەندی یەکێتی لە سلێمانی کۆبووەوە رایگەیاند، دەبێت ئەم کۆنگرەیە ببێتە مایەی نوێبوونەوە و هەستانەوەی یەکێتی.
 
ئەمڕۆ بەرهەم ساڵح جێگری دووەمی سکرتێری گشتی یەکێتیی نیشتمانیی کوردستان لەگەڵ ئەنجوومەنی ناوەندی حیزبەکەی لە هۆڵی شازاد سائیب لە سلێمانی کۆبووەوە و لەبارەی بەستنی کۆنگرە و کێشەکانی بەغدا چەند پرسێکی دیکەیان تاوتوێکرد.
 
سەرۆککۆماری عێراق ئاماژەی بەوەکرد" بارودۆخی بەغدا رەنگدانەوەی لەسەر هەرێمی کوردستان دەبێت بۆیە پێویستە هێزە سیاسییەکانی ناوخۆی هەرێمی کوردستان هاوكار و یەکگرتووبن و پێکەوە بەرۆحیەتێکی هاوبەش  لەسەر بنەمای دەستوور کێشەکانیان لەگەڵ بەغدا چارەسەر بکەن و هەنگاوبنێن بۆ باشترکردنی ژیان و گوزەرانی هاووڵاتیان". 
 
بەرهەم ساڵح سەبارەت بە کۆنگرەی داهاتووی یەکێتی و نەبوونی مام جەلال لەم کۆنگرەیەدا رایگەیاند،" ئەم کۆنگرەیە کۆنگرەیەکی چارەنووسسازە، دەبێت کۆنگرەکە ببێتە مایەی نوێبوونەوە و هەستانەوەی یەکێتی، بۆیە بەستنی ئەم کۆنگرەیە لە غیابی جەنابی مام جەلال ئەرکی سەرشانمان قورستردەکات، دەبێت شەرم لەخۆمان بکەین گەر بەگیانی بەرپرسیاریەتییەوە مامەڵە لەگەڵ کۆنگرەدا نەکەین". 
 
سەرۆککۆمار ئەوەشی خستەڕوو،" دەبێت هەموومان تەنها سەرکەوتن و سەرخستنی یەکێتی لەبەرچاو بگرین، بۆیە بەستنی ئەم کۆنگرەیە بەشێوەیەکی سەرکەوتوو کاریگەری گەورەی دەبێت لەسەر کوردستان و تەواوی ناوچەکەش، کۆنگرە ساڕێژکردنی زامەکانی یەکێتییە و دەبێت هیوابەخش بێت بۆ سەرجەم لایەنگران و بەرپرسانی".
 
لەکۆتایی قسەکانیدا بەرهەم سالح ئاشکرایکرد ''شانازیی بە یەکێتی بوونی خۆمەوە دەکەم، من کوڕی ئەم حیزبەم و ساڵانێکی زۆرە لەپێناو رێبازی مام جەلال و یەکێتیدا خەباتم تێداکردوە".

Copyright 2019 BMC TV. All right reserved

Designed and Developed by AVESTA GROUP