Alternate Text

زۆرترین بینراو

Alternate Text

ئەمریکا داوادەکات هەژماری بەرپرسانی ئێران لە تۆڕە کۆمەڵایەتییەکان بلۆک بکرێت

جیهان

بینراو 137

پێش 2 هەفتە

Alternate Text
+ -

بەرپرسێکی ئەمریکا داوادەکات هەژماری بەرپرسانی ئێران لە تۆڕە کۆمەڵایەتییەکان بلۆک بکرێن و رێگە نەدرێت چالاکییان بڵاوبکرێتەوە.
 
برایان هووک، بەرپرسی دۆسیەی ئێران لە وەزارەتی دەرەوەی ئەمریکا لە چاوپێکەوتنێکدا رایگەیاند،" داوا لە فەیسبووک و ئینستاگرام و توویتەر دەکەم هەژمارەکانی بەرپرسانی ئێران لە تۆڕەکانیان بلۆک بکەن".
 
ئەو بەرپرسەی ئەمریکا ئاماژەی بەوەشکردووە،" بەرپرسانی ئێران بێشەرمانە تۆڕەکۆمەڵایەتییەکان بەکاردەهێنن بۆ بڵاوکردنەوەی پڕوپاگەندەکانیان، ئەمە لە کاتێکدایە ئینتەرنێتیان لە خەڵکی ئاسایی ئێران بڕیووە".
 
برایان هووک  داوا لە بەرپرسانی ئەو تۆڕەکۆمەڵایەتییانە دەکات، هەژمارەکانی بەرپرسانی ئێران رابگرن و رێگەنەدەن پلاتفۆڕمەکانیان بۆ بڵاوکردنەوەی چالاکییەکانیان بەکاربهێنن.
 
ئەمە لەکاتێکادا دوای دروستبوونی خۆپیشاندانەکان لە ئێران بەهۆی بەرزبوونەوەی نرخی بەنزینەوە گرژی و ئاڵۆزی لەنێوان خۆپیشاندەران و هیزەئەمنیەکاندا روویدا و بەهۆیەوە بەسەدان هاوڵاتی بوونەوە قوربانی، هاوکات حکومەتی ئێران سیستمی ئینتەرنێتی لە هەموو ئێراندا پچڕاند بۆ ئەوەی خۆپیشاندانەکان پەرەنەسێنێت.

Copyright 2019 BMC TV. All right reserved

Designed and Developed by AVESTA GROUP