Alternate Text

زۆرترین بینراو

Alternate Text

سەنتەری میترۆ مێزگردێکی لەسەر توندوتیژی و گێچەڵ بەرامبەر بە ژنانی رۆژنامەنوس رێکخست

کوردستان

بینراو 95

پێش 1 هەفتە

Alternate Text
+ -

رێکخەری سەنتەری میترۆ رایگەیاند، ئەمڕۆمێزگردێكی سەبارەت بە رواڵەتەكانی توندوتیژی و گێچەل بەرامبەر بە كچان و ژنانی رۆژنامەنوس لە شوێنی كاركردنیاندا رێکخستووە.

رەحمان غەریب رێکخەری سەنتەری میترۆ لە پەڕەی تایبەتی خۆی بڵاویکردەوە، "ئەمڕۆ ٢٥ی تشرینی ٢٠١٩، لە رۆژی جیهانی بەرانگاربوونەوەی توندوتیژی دژ بە ژنان، لەچوارچێوەی پرۆژەی "دەنگەكانمان" رێكخراوی Internews ی ئەمریكی بە هاوبەشی سەنتەری میترۆ، جێبەجێیدەكات، مێزگردێكی سەبارەت بە رواڵەتەكانی توندوتیژی و گێچەل بەرامبەر بە كچان و ژنانی رۆژنامەنوس لە شوێنی كاركردنیاندا رێکخستووە".

رەحمان غەریب ئاماژە بەوەشدەکات، "لە دیدارەکەدا كۆمەڵێك رۆژنامەنوس و چالاكوانی مافەكانی مرۆڤ و نوێنەری رێكخراوی كۆمەڵی مەدەنی ئامادەی بوون، هاوکات دیدارەكە، هاوزەمانە لەگەڵ چالاكییەكانی رۆژی جیهانی بەرەنگاربوونەوەی توندوتیژی، كە ئەمڕۆ لە هەموو جیهاندا چالاكی جۆراجۆر رێكدەخرێت بۆ تیشكخستنە سەر دیاردەكانی توندوتیژی".

لە ساڵی ٢٠٠٩ وە نەتەوە یەكگرتوەكان رۆژی ٢٥ی تشرینی دووەمی هەموو ساڵیکی وەك رۆژی بەرەنگاربوونەوەی توندوتیژی دژ بە كچان و و ژنان دیاری كردووە، لەژێر دروشمی " یەكبگرن و بڵێن نەخێر" كەمپینی دژ بە هەموو جۆرەكانی توندوتیژی راگەیاند و داوای لە رێكخراوەكانی كۆمەڵی مەدەنی و حكومەتەكان كرد كاری جدیی بكەن بۆ كۆتایهێنان بە هەموو جۆرەكانی توندوتیژی دژ بەئافرەتان.

ئەمساڵ چالاكییەكانی نەتەوە یەكگرتوەكان لە ژێر دروشمی " نەوەی یەكسانیخوازی دژ بە توندوتیژین" رێكدەخات، ١٦ رۆژ بەردەوامدەبێت.

Internews، رێكخراوێكی نێودەوڵەتی قازانج نەویستە ساڵی ١٩٨٢ لە ئەمریكا دامەزراوە لە ٩٠ وڵاتی جیهان ئۆفیسی هەیە، كار دەكات بۆ بەرزكردنەوەی ئاستی دامەزراوەكانی میدیا لە جیهاندا بە ئامانجی پێدانی زانیاری راست بەخەڵك و بەرزكردنەوەی تواناكانیان.


Copyright 2019 BMC TV. All right reserved

Designed and Developed by AVESTA GROUP