Alternate Text

زۆرترین بینراو

Alternate Text

سەرۆكی سەندیكای پارێزەرانی كوردستان دەستی لەكاركێشایەوە

کوردستان

بینراو 104

پێش 2 هەفتە

Alternate Text
+ -

سەرۆكی سەندیكای پارێزەرانی كوردستان دەستلەكاركێشانەوەی لە پۆستەكەی ڕاگەیاند و دەڵێت: “قەت گوێم بە پلە و پۆست نەداوە و تەنیا مەبەستم بووە لەو ڕێگەیەوە، ئامانجەكانی خزمەتكردنی پارێزەران، بپێكم”.

سەندیكای پارێزەرانی كوردستان لە ڕاگەیەنراوێكدا دەقی نامەی دەستلەكاركێشانەوەی بەختیار حەیدەر، سەرۆكی سەندیكای پارێزەرانی كوردستان-ی بڵاوكردەوە لەكاتێكدا كاندید بووە بۆ وەرگرتنەوەی ئەو پۆستە لە كۆنگرەی داهاتووی پارێزەران، كە بەم نزیكانە ئەنجام دەدرێت.

بەختیار حەیدەر، سەرۆكی سەندیكای پارێزەران لە نامەی دەستلەكاركێشانەوەكەیدا ڕایگەیاندووە، “من بۆ بەرژەوەندی گشتی و پێدانی دەرفەت بە پارێزەرانی دیكە و خوێنی گەرم و هەڵبژاردنی پارێزەرێكی تری ڕاستەقینە و شایستە و چەند هۆكارێكی دیكە، خۆم لە پاڵاوتنی سەرۆكی سەندیكا دەكێشمەوە”.

ڕاشیگەیاندووە، “من خاوەنی بیرۆكە و یەكێك لە دامەزرێنەرانی سەندیكای پارێزەرانی كوردستان و هەمیشە لە خەمی بەرز ڕاگرتنی پیشەی پارێزەرایەتی و خزمەتكردنی پارێزەران بووم”.
دەقی نامەی دەستلەكاركێشانەوەكە:

بۆ گشت پارێزەرانی خۆشەویست
من بەختیار حەیدەر، سەرۆكی سەندیكای پارێزەران، بە شانازییەوەش خاوەنی بیرۆكە و یەكێك لە دامەزرێنەرانی سەندیكای پارێزەرانی كوردستان و هەمیشە لە خەمی بەرز ڕاگرتنی پیشەی پارێزەرایەتیی و خزمەتكردنی پارێزەران بووم.
قەت گوێم بە پلە و پۆست نەداوە و تەنیا مەبەستم بووە لەو ڕێگەیەوە، ئامانجەكانی خزمەتكردنی پارێزەران، بپێكم.

دەمەوێت سوپاسی گشت ئەو پارێزەر و دڵسۆزانە بكەم، كە لە ماوەی ڕابردوو بە پەرۆش بوون بۆ مانەوەم لە پۆستی سەرۆكی سەندیكا و بەردەوام بم لە خزمەتكردن.

بەڵام لێرەوە ڕایدەگەیەنم، كە من بۆ بەرژەوەندی گشتیی و پێدانی دەرفەت بە پارێزەرانی دیكە و خوێنی گەرم و هەڵبژاردنی پارێزەرێكی تری ڕاستەقینە و شایستە و چەند هۆكارێكی دیكە، خۆم لە پاڵاوتنی سەرۆكی سەندیكا دەكێشمەوە و بەڵام بەڵێن دەدەم لەهەر شوێنیك و پێگەیەك بم، بەردەوام دەبم لە هاوكاریكردن و پشتگیریكردنی پارێزەرانی خۆشەویست و بەرز ڕاگرتنی پیرۆزی پیشەكەیان.

تەنیا خوا كامڵە و مرۆڤ بێ كەم و كوڕی نابێت، بۆیە داوای لێبووردن لەهەر كارێك، هەڵەیەك، پەیڤێك دەكەم كە ببێتە هۆی نیگەرانیی و تووڕەیی كەسانی دیكە.

هیوای سەركەوتن بۆ هەموو لایەك دەخوازم
بەختیار حەیدەر
سەرۆكی سەندیكای پارێزەران

Copyright 2019 BMC TV. All right reserved

Designed and Developed by AVESTA GROUP