Alternate Text

زۆرترین بینراو

Alternate Text

عەلی قەرەداغی: هیچ بەڵگەیەك نیە لە سەر پێویست بوونی خەتەنەی مێینە

کوردستان

بینراو 217

پێش 1 هەفتە

Alternate Text
+ -

سەرۆكی یەكێتی زانایانی جیهانی ئیسلامی لە پەیامێکیدا رایگەیاند،  ئەتوانم بڵێم هیچ بەڵگەیەك نیە بۆ خەتەنە لە قورئانی پیرۆزدا، هیچ بەڵگەیەكی سەریح و سەحیح و ئاشكرا نیە لە سەر پێویست بوونی خەتەنەی مێینە.

پڕۆفیسۆر دكتۆر عەلی قەرەداغی سەرۆكی رابیتەی ئیسلامی كورد و سەرۆكی یەكێتی زانایانی جیهانی ئیسلامی لە هەژماری خۆی لە فەیسبووك رایگەیاند،" ئەتوانم بڵێم هیچ بەڵگەیەك نیە بۆ خەتەنە لە قورئانی پیرۆزدا، هیچ بەڵگەیەكی سەریح و سەحیح و ئاشكرا نیە لە سەر پێویست بوونی خەتەنەی مێینە، بەڵكو هەندێك لە زانا گەورەكانی ئیسلام ئەفەرمون خەتەنەی نێریش سوننەتە نەك واجب".

لەو پەیامەدا عەلی قەرەداغی ئەوەشی خستووتەڕوو،" خەتەنەی مێینە عادەتێكی كۆن بوو لە پێش ئیسلامدا، كە ئیسلام هات ویستی قۆناغ بەقۆناغ چارەسەری ئەم كارەش بكات، لەبەرئەوە پێغەمبەر 'د.خ' ئەمری فەرموو، كە ئەگەر خەتەنەی مێینە كرا بەشێوەیەكی وانەبێت زەرەری زۆربێت، چەند ئامۆژگاریەكی فەرموو بۆ ئەم مەسەلەیە".

لە کۆتایشدا ئاماژە بەوەکردووە،" هیچ حەدیسێكی سەحیح و سریح نیە، و هیچ سەنەدێكی وا نیە، كەدوای بكەوی، كە واتە خەتەنەی مێینە شتێكی ئیختیاریە، بەڵام ئەگەر كرا ئەبیت بەشكڵێك بێت زەرەری ئافرەتەكەی تیانەبێت ، بۆیە دەتوانم بڵێم حكومەت ئەتوانێت بە یاسایەك مەنعی خەتەنەی مێینە بكات، ئەگەر بشكرێت دەبێت لە نەخۆشخانەدا بێت لەژێر چاودێری پزیشكدا".

Copyright 2019 BMC TV. All right reserved

Designed and Developed by AVESTA GROUP