Alternate Text

زۆرترین بینراو

Alternate Text

مایک پۆمپەیۆ: ٢٧ هەزار نامەمان پێگەیشتووە لەسەر خۆپیشاندانەکانی ئێران

جیهان

بینراو 68

پێش 1 هەفتە

Alternate Text
+ -

وەزیری دەرەوەی ئەمریکا لە نوێترین پەیامیدا رایگەیاند، رژێمی ئێران دەستی بەسەر ئینتەرنێتتدا گرتووە، بەڵام لە رێگەی تێلەگرامەوە وێنە و ڤیدیۆی خۆپیشاندەرانیان بۆدەچێت و دەنگیان دەبیستن.
 
مایک پۆمپەیۆ وەزیری دەرەوەی ئەمریکا لە کۆنگرەیەکی رۆژنامەوانیدا رایگەیاند،" لەگەڵ سەرۆک ترەمپ بە وردی چاودێری خۆپیشاندانەکان دەکەین و ئێرانییەکان جارێکی دیکە بەهۆی لاوازی بەڕێوەبردنی ئابووری دەسەڵاتدارانی ئێرانەوە هاتوونەتەوە سەر شەقام". 
 
وەزیری دەرەوەی ئەمریکا ئەوەشی خستەڕوو،" ئێران بۆ ئەوە ئینتەرنێتی راگرتووە تاوەکو راستییەکان بشارێتەوە و خەڵکی نەتوانن زانیارییەکان بگەیێننە دەرەوە". 
 
هاوکات پێشتر پۆمپەیۆ داوای لە خەڵکی ئێران کردبوو وێنە و ڤیدیۆی خۆپیشاندان و تووندوتیژییەکانیان بۆ بنێرن، لەو بارەیەوە ئاماژەی بەوەکرد "ئەمڕۆ ٢٧ هەزار نامەمان لەرێگەی تێلەگرامەوە پێگەیشتووە کە پێکهاتوون لە وێنە و ڤیدیۆ و زانیاری لەبارەی تووندوتیژییەکانی حکومەتی ئێران دژی خۆپیشاندەران". 
 
پۆمپەیۆ لەکۆتایشدا جەختی لەوەکردەوە،" بەردەوام دەبن لە سەپاندنی سزا بەسەر ئەو بەرپرسە ئێرانییانەی بەرپرسن لە بەکارهێنانی تووندوتیژی دژی خۆپیشاندەران وەکو ئەوەی هەفتەی رابردوو بەسەر وەزیری گەیاندنی ئێراندا سەپاندمان". 
 

Copyright 2019 BMC TV. All right reserved

Designed and Developed by AVESTA GROUP