به‌ڕێوه‌به‌رایه‌تى كه‌شناسى و بومه‌له‌رزه‌زانى هه‌رێمى كوردستان ره‌وشى كه‌شوهه‌وا و پله‌كانى گه‌رماى ئه‌مڕۆ سێشەممەو سبەینێ چوارشەممەی پارێزگاكانى راگه‌یاند، به‌پێى پێشبینییه‌كان "سبه‌ینێ پله‌كانى گه‌رما نزمده‌بنه‌وه‌، ئاسمان نیمچە هەورو هەوری تەواو دەبێت لەکاتەکانی نیوەرۆ ئەگەری بارینی نمە باران لەناوچە شاخاوییەکان دەبێت، ئێوارەو شەودا نمە باران لەزۆربەی ناوچەکان دەبارێت.

له‌ چوار راگه‌یه‌ندراودا ، به‌ڕێوه‌به‌رایه‌تى كه‌شناسى و بومه‌له‌رزه‌زانى هه‌رێمى كوردستان له‌باره‌ى ره‌وشى كه‌شوهه‌واى ئه‌مڕۆ و سبه‌ینێى پارێزگاكانى "هه‌ولێر، سلێمانى، دهۆك، كه‌ركوك"ه‌وه‌ ئه‌م زانیاریانه‌ى خواره‌وه‌ى خستووه‌ته‌ڕوو.