Alternate Text

زۆرترین بینراو

Alternate Text

بوکێک دوای بینینی زاوا توانای قسەکردن لەدەستدەدات

هەمەرەنگ

بینراو 20636

پێش 2 هەفتە

Alternate Text
+ -


بەرپرسانی دەروونی لە نەخۆشخانەی هەرات لە ئەفغانستان رایانگەیاند، كچێكی مێرمنداڵ كه‌ ناچار كرابوو هاوسه‌رگیری له‌ گه‌ڵ پیاوێكی به‌ته‌مه‌ن بكات، له‌ یه‌كه‌م شه‌وی بوكێنیدا به‌ هۆی ترسه‌وه‌ توانای قسه‌كردنی له‌ده‌ستداوه‌.

بی بی سی لە هەواڵێکیدا لە زاری بەرپرسانی نەخۆشخانەی هەرات بەشی دەروونی بڵاویکردەوە، "ئه‌و كچه‌ كه‌ ته‌مه‌نی ته‌نها ١٢ ساڵه‌، ژن به‌ ژنی پێكراوه‌ و له‌ پیاوێك ماره‌ كراوه‌ كه‌ چه‌ندین ساڵ له‌ خۆی گه‌وره‌تره‌ و به‌ هۆی ئه‌وه‌ی توانای قسه‌كردنی له‌ده‌ستداوه‌ له‌ئێستادا لە نه‌خۆشخانه‌ لەژێر چاودێریدایە.

نه‌سیر ئه‌حمه‌د عه‌له‌وی یه‌كێك له‌ پزیشكانی به‌شی ده‌رونی نه‌خۆشخانەکە رایگه‌یاندووه‌، "سەرەتا کچەکە ئاگادار نەکراوەتەوە زاوای نەبینیوە، تا لەشەوی یەکەمی بوکێنی زاوای بینیوه،کە تەمەنی زۆر گەورەتر بووە لەخۆی‌، به‌هۆی ترسه‌وه‌ تووشی شڵه‌ژانی ده‌رونی بووه‌ و توانای قسه‌كردنی به‌ته‌واوه‌تی له‌ده‌ستداوه‌".

به‌گوێره‌ی ئاماری نه‌خۆشخانه‌كانی هه‌رات له‌ شه‌ش مانگی یه‌كه‌می ئه‌مساڵدا ئاماری ئه‌و ژنانه‌ی به‌ هۆی توندوتیژی خێزانیه‌وه‌ گه‌یه‌نراونه‌ته‌ ئه‌و نه‌خۆشخانه‌یه‌، به‌ به‌راورد له‌گه‌ڵ ماوه‌ی هاوشێوه‌ی ساڵی رابردوو بۆ چوار هێنده‌ زیادی كردووه‌، لەکۆی ١٧٠٠ ژن کەسەردانی کردووە ١٣٠٠ ژنیان کێشەی خێزانیان هەبووە.


Copyright 2019 BMC TV. All right reserved

Designed and Developed by AVESTA GROUP