Alternate Text

زۆرترین بینراو

Alternate Text

لە ئەمریکا قەل خواردن دوو رۆژ دەکات بە پشوو

جیهان

بینراو 367

پێش 2 هەفتە

Alternate Text
+ -


بازاڕەكانی ئەمریكا جمەیان دێت لە فرۆشتنی قەل، ٢٨ ی مانگ بە ملیۆنان قەل لە ئەمریكادا لە ژەمی خواردنی ئێوارە بەکاردێت، کە ناسراوە بە هەینی رەش کەرۆژی دواتریشی پشوی فەرمییە.

رۆژی دواتریش بەناوی پێشانگاكانی ئۆتۆمبێل و تەواوی شوێنە فرۆشیارییەكان دەكرێنەوە بەرووی كریاراندا و داشكاندنی خەیاڵی دەكەن بۆ کەرەستەکان،  بۆ نموونە كۆمپانیای جێب، شۆفرلێت و فۆرت بۆ هەموو ئۆتۆمبێلێك كێبڕكییانە بەداشكاندنی٤% و ٦% و ٧% لە نرخی ئۆتۆمبێلەكانیان.

رۆژنامەی هێل بڵاویکردووەتەوە، لە بازارەكانی ئەمریكا تا کاتژمێر ١٢ شەوی رۆژی ٢٥ی نۆڤێمبەر ٦٣ ملیۆن و ٨٣٢ قەل فرۆشراوە رۆژنامەكە لەبری بنوسێت رۆژی سوپاسگوزاری  بەگەورەیی نوسیویەتی "رۆژی كوشتارگەی قەل".

لە ئەمریكا لەرۆژی پێنجشەممەی چوارەم هەفتەی مانگی نۆڤێمبەری هەموو ساڵێك كە بە رۆژی جەژنی سوپاسگوزاری سانكسگیڤن ناسراوە مێژوویەكی سەیر و جەنجاڵی هەیە لەنێوان هەقیقەت و خەیاڵدا گیریخواردووە،  بەڵام بووەتە جەژنێك كە ئەمریكییەكان شانازی گەورەی پێوە دەكەن و رۆژی پێنجشەممە و هەینی بە دوایدا پشووی فەرمییە لەسەرانسەری ئەمریكا.

كریستی هاریسۆن پسپۆری خۆراک و تەندروستی دەرونی، لە وتارێكدا لە واشنتۆن پۆست دەنوسێت، "جەژنی سوپاسگوزاری رۆژێكی سۆزدارییە لەرێگەی خواردنەوە پەیوەندییەكانمان نوێ دەكەینەوە، سەرمێزی خواردن دەبێت بە گۆرەپانی سووپاسگوزاری جەنگێكی سۆزداری، دوور كەوتنەوەیە لە قسەكردن لەسیاسەت و ململانێتی خێزانی و كۆمەڵایەتی".

Copyright 2019 BMC TV. All right reserved

Designed and Developed by AVESTA GROUP