Alternate Text

زۆرترین بینراو

Alternate Text

پەرلەمانی کوردستان لیژنەیەکی بۆ دیارنەمانى ٢٦١ ملیۆن دینارى لە دهۆک پێکهێناوە

کوردستان

بینراو 129

پێش 1 هەفتە

Alternate Text
+ -

لیژنەى دەستپاکى پەرلەمانى کوردستان بەدواداچوون بۆ دیارنەمانى ٢٦١ ملیۆن دینارى کۆلێژی پەروەردەى ئاکرێ لە سنورى پارێزگاى دهۆک دەکات.

پەرلەمانى کوردستان لە راگەینراوێکدا ئاماژەیان بەوەکردووە،" بەمەبه‌ستی بەدواداچوون بۆ پرسی دیارنه‌مانی بڕی ٢٦١ ملیۆن دینار له‌ کۆلێژی پەروەردەی ئاکرێ شاندێکى لیژنەى دەستپاکى کە پێکهاتبوون لە شیرین ئەمین سەرۆکی لیژنەکە و سەعید مسته‌فا جێگری سه‌رۆكی لیژنە شنۆ ئەشقی و لەیلا عەبدولجەبار ئەندامانی لیژنەكه‌ و ڕاوێژکارانی لیژنەكه‌ لەگەڵ موسلیح دھۆکی لەگەڵ سەرۆکى زانکۆى دهۆک کۆبوونەوە".

لە راگەینراوەکەدا باسیان لەوەشکردووە،" لە کۆبوونەوەکەیاندا باس له‌پرسی راگری پێشووی کۆلێژی پەروەردەی ئاکرێ كرا كه‌ به‌ گومانی بەھەدەردانی بڕی ٢٦١ ملیۆن دینار دۆسییه‌ی بۆ كراوه‌ته‌وه‌ و رادەستی لیژنەى ده‌سپاكیی په‌رله‌مان کرابوو".

لەکۆتایشدا جەختیان لەوەکردووەتەوە،" لەئەنجامی بەدواداچوونه‌کانى لیژنه‌ کۆی زانیارییەکانیان یاداشت کردووە و بڕیاره‌ لە راپۆرتێکدا ئاراستەی سه‌رۆكایه‌تیی پەرلەمانی کوردستانی بکەن".

Copyright 2019 BMC TV. All right reserved

Designed and Developed by AVESTA GROUP