Alternate Text

زۆرترین بینراو

Alternate Text

مه‌سرور بارزانی په‌یامێكی بڵاوكرده‌وه‌

کوردستان

بینراو 169

7 رۆژ پێش ئێستا

Alternate Text
+ -

مەسرور بارزانی سەرۆكی حكومەتی ھەرێمی كوردستان پەیامێكی لەبارەی ھێرشەكەی شەوی رابردووی داعش بۆسەر ناحیەی كوڵەجۆ بڵاوكردەوە كه‌ تیایدا به‌ڕێوه‌به‌ر و دوو كارمه‌ندی ئاسایش شه‌هیدبوون.

دەقی پەیامی سەرۆكی حكوومەتی ھەرێمی كوردستان:

بەداخەوە دوێنی شەو لە ئەنجامی هێرشی تیرۆریستانی داعش بۆ سەر شارۆچکەی کوڵەجۆی سەر بە کفری، بەڕێوەبەر و دوو کارمەندی ئاسایش شەهیدبوون و چەند کارمەندێکیش بریندار بوون.

پرسە و سەرەخۆشی لە کەسوکاری شەهیدەکان دەکەم و هیوادارم خوای مەزن بە بەهەشتیان شاد بکات و هیوای چاکبوونەوەش بۆ بریندارەکان دەخوازم .

ئەم هێرشەی تیرۆریستانی داعش، نیشانی دەدات کە ئەم رێکخراوە تیرۆریستییە هێشتا بە تەواوی تێکنەشکێنراوە و، ئێمەش لەمبارەوە چەندین جار هوشداریمان داوە . بۆیە پێویستە کۆمەڵگەی نێودەوڵەتی لە هاوکاریکردنی هەرێمی کوردستان و عێراق بەردەوام بێت بۆ رووبەڕووبوونەوەی داعش و ، کارکردن لە پێناو نەهێشتنی ئەو هۆکارانەی دەبنە هۆی سەرهەڵدان و چالاکبوونەوەی رێکخراوە تیرۆریستییەکان .

مەسرور بارزانی
سەرۆکی حکومەتی هەرێمی کوردستان

Copyright 2019 BMC TV. All right reserved

Designed and Developed by AVESTA GROUP