Alternate Text

زۆرترین بینراو

Alternate Text

لایەنگرانی بەستنی کۆنگرەی چواری یەکێتی روونكردنەوەیەكییان بڵاوكردەوه

کوردستان

بینراو 140

پێش 1 هەفتە

Alternate Text
+ -

لایەنگرانی بەستنی کۆنگرەی چواری یەکێتی روونكردنەوەیەكییان بڵاوكردەوه و له‌ روونكردنه‌وه‌كه‌دا ئاشكرایان كردوه‌، ڕیاری ئەنجامدانی کۆنگرەو پەیڕەوکردنی ڕێوشوێنی ڕێکخراوەییانە بۆ نوێبوونەوەی یەکێتی بووە جێگەێ خۆشحاڵی ھەموان.

ده‌قی روونكردنه‌وه‌كه‌: 

 

بەڕێزان / جێگرانی سکرتێری گشتی

              ئەندامانی مەکتەبی سیاسی
               ئەندامانی ئەنجومەنی سەرکردایەتی
               کۆمسیۆنی باڵای ئامادەکاری کۆنگرە
               ئەندامانی ئەنجومەنی ناوەندی

سڵاوێکی شۆڕشگێڕانەو یەکێتییانە:

دوای چاوەڕوانیەکی زۆری کادیران و جەماوەری حزبەکەمان، بڕیاری ئەنجامدانی کۆنگرەو پەیڕەوکردنی ڕێوشوێنی ڕێکخراوەییانە بۆ نوێبوونەوەی یەکێتی بووە جێگەێ خۆشحاڵی ھەموان.
لە ئێستادا پاش تەواوکردنی ھەنگاوی گرنگ لەپڕۆسەی ھەڵبژاردنی کۆمیتەکان لەسەرجەم مەڵبەندەکان و دەستنیشانکردنی ئەندامانی کۆنفرانسی مەڵبەندەکان و لەھەمانکاتدا دەستنیشانکردنی ئەندامانی کۆنگرە لەسەرجەم مەکتەب و دەزگاکانی تری حزبدا، پێتان ڕادەگەیەنین کە:
١. بەھیچ شێوەیەک ڕەزامەندنابین بە دواخستنی پڕۆسەی ئەنجامدانی کۆنفرانسی مەڵبەندەکان.
٢.ڕەزامەندنابین بە دواخستنی کۆنگرەو دەبێت لەکاتی دیاریکراوی خۆیدا لە ٧ / ١٢ ببەسترێت.
٣. ھەر ھەنگاوێک بۆ بەلاڕێدابردنی ھەدوو پرۆسەی ئاماژەپێکراو ، کاردانەوەی ( یاسایی، ڕێکخراوەیی، حزبی)  توند بۆ بەستنی کۆنگرەو نوێکردنەوەی یەکێتیەکەمان دەگرینەبەر.
لێرەوە ڕای دەگەیەنین کە ھەر سەرکردایەتی و مەکتەب سیاسیەک ئۆباڵی دواخستنی پرۆسەکانی ھەڵبژاردنی کۆنفرانسی مەڵبەندەکان و دواخستنی کۆنگرەی بکەوێتە ئەستۆ، ئەوا دەکەوێتە بە گەردەلولی ڕق و توڕەیی کادرانی یەکێتی و بۆ ھەتەھەتایە نەفرەتی لێدەکرێ.

لایەنگرانی بەستنی کۆنگرەی چواری یەکێتی
٣٠ / ١١ / ٢٠١٩

Copyright 2019 BMC TV. All right reserved

Designed and Developed by AVESTA GROUP