Alternate Text

زۆرترین بینراو

Alternate Text

نرخی ئەمپێری مۆلیدە ئەهلییەکان بۆ مانگی ١١ دیاریکرا

کوردستان

بینراو 2852

7 رۆژ پێش ئێستا

Alternate Text
+ -

قائیمقامییەتی سلێمانی نرخی ئەمپێرەکانی مۆلیدە ئەهلییەکانی بۆ مانگی ١١ دیاریکرد و رایگەیاند، نرخی هەر ئەمپێرێكی كارەبای مۆلیدە ئەهلییەكان بۆ مانگی یانزە (٧بۆ ٨) حەوت بۆ هەشت هەزار دینار دەبێت، خشتەی پێدانی كارەبای مۆلیدەكانیش لە سنوری پارێزگای سلێمانی بۆ مانگی دوانزە گۆڕانگاری تێدا كرا.

قائیمقامییەتی قەزای مەڵبەندی سلێمانی لە راگەیەندراوێکدا نرخی ئەمپێری مۆلیدە ئەهلییەکانی دیاریکرد، نرخی كاتژمێرێك ئەمپێری مۆلیدەی ئەهلی لە سنوری سلێمانی بۆ مانگی (١١)تشرینی دووەم بە (٣٨.٧٥) دینار و حەوتسەد‌و پەنجا فلس دیاریكرا و موەلیدەكانیش بەتێكڕایی لەنێوان (١٨٠) بۆ (٢٠٥) كاتژمێر كاریان كردووە، بەوەش نرخی یەك ئەمپێر كارەبا لە نێوان (٧) هەزار بۆ (٨) هەزار دینار دەبێت.

ئاماژەی بۆ ئەوەشکردووە، خشتەی پێدانی كارەبای مۆلیدە لە مانگی (١٢) كانونی یەكەم، بەم جۆرە دەبێت، لە كاتژمێر (٦:٣٠) شەش‌ و نیو بۆ (٨)ی بەیانی و لە كاتژمێر (١٢)ی نیوەڕۆ بۆ (١)ی شەو  كاردەكەن, لە رۆژانی هەنیشدا بەیانیان ئیشی پێناكرێت و لە بەرامبەردا لە كاتژمێر (١١)ی پێشنیوەڕۆوە ئیش بە مۆلیدەكان دەكرێت، لەو كاتانەدا لەكاتی بڕینی كارەبای نیشتیمانیدا مۆلیدە ئەهلییەكان لە ماوەی (١٠) خولەكدا كاریان پێدەكرێت، بەپێچەوانەوە، سەرپێچیكار رووبەرووی یاسا دەكرێتەوە.


بەمەبەستی دیاریكردنی نرخی كارەبای مرلیدە ئەهلییەكان ئەمڕۆ دوو شەممە ٢ی کانونی یەکەمی ٢٠١٩ ئاوات محەمەد، قائیمقامی سلێمانی لە دیوانی قائیمقامیەتی سلێمانی لەگەڵ نوێنەری بەڕێوەبەرایەتییەكانی دابەشكردنی كارەبا، ئاسایشی ئابووری، چاودێری بازرگانی و لیژنەی مۆلیدە ئەهلییەكانی سەربەلیژنە هاوبەشەكانی قائیمقامیەتی سلێمانی كۆبووەوە.

Copyright 2019 BMC TV. All right reserved

Designed and Developed by AVESTA GROUP