Alternate Text

زۆرترین بینراو

Alternate Text

سلێمانی... دوو تۆمەتبار دەستگیرکران

کوردستان

بینراو 449

7 رۆژ پێش ئێستا

Alternate Text
+ -

پۆلیسی سلێمانی رایگەیاند، مەفرەزەكانی بنكەی پۆلیسی سەرا دوو تۆمەتباریان دەستگیرکردووە یەکێکیان بەتۆمەتی دروستکردنی پێناسی باری شارستانی ساختە و ئەوی دیکەش بە تۆمەتی ساختەکردنی مۆری کوشتارگەکان.

بەڕێوەبەرایەتی پۆلیسی پارێزگای سلێمانی راگەیەندراوێکی بڵاوکردەوە کە تێیدا هاتووە، دوای ئەوەی هێزەكانی پۆلیسی سلێمانی زانیارییان پێگەیشت لەبارەی تۆمەتبارێكی بەڕەگەز عەرەب كە هەڵدەستێت بە دروستكردنی پێناسی باری شارستانی ساختە بۆ ئەو كەسانەی كە لە خواروی عیراقەوە ڕوو دەكەنە شارەكانی هەرێمی كوردستان ، مەفرەزەكانی بنكەی پۆلیسی سەرا لێكۆڵینەوەكانی دەستپێكردوو دوای چاودێریكردنێكی ورد توانرا تۆمەتبار لەشاری سلێمانی دەستگیربكرێت و لەكاتی دەستگیركردنیشیدا دەستگیرا بەسەر چەند پێناسێكی بەتاڵ و مۆری فسفۆڕی.

لە راگەیەندراوەکەدا ئاماژە بۆ ئەوەشکراوە، هەر ئەمڕۆ لەسەر سكاڵای لیژنەكانی قایمقامیەت مەفرەزەكانی بنكەی پۆلیسی سەرا تۆمەتبارێكیان دەستگیركرد كە هەستاوە بە ساختەكردنی مۆری كوشتارگەكانی سلێمانی و لە فرۆشگاكەی خۆیدا بەكاری هێناوە بۆ ئەو ئاژەڵانەی كە خۆی سەری بڕیون و خستویەتیە بازاڕەوە.

ئەوەش خراوەتەڕوو، لەئێستادا تۆمەتبار (غ ، ع ، ع ) لەدایكبوی ١٩٩١ بەفەرمانی دادوەرو بەپێی ماددەی ٣٠٢ لەیاسای سزادانی عیراقی راگیراوەو لێكۆڵینەوە لە گەڵیدا بەردەوامە، هاوکات تۆمەتبار ( ط ، ح ، ن ) بەفەرمانی دادوەر راگیراوەو لێكۆڵینەوە لە گەڵیدا بەردەوامە و لەكاتی دەستگیركردنیشیدا دەستگیراوە بەسەر مۆری ساختەو سێ‌ لاكی ئاژەڵدا .

Copyright 2019 BMC TV. All right reserved

Designed and Developed by AVESTA GROUP