Alternate Text

زۆرترین بینراو

Alternate Text

کەنەکە و گۆڕان دۆخی رۆژئاوای کوردستانیان تاوتوێکرد

کوردستان

بینراو 117

پێش 1 هەفتە

Alternate Text
+ -


سەرلەبەیانی ئەمڕۆ ٢ی کانونی یەکەمی ٢٠١٩، وەفدێکی کەنەکە سەردانى مەکۆى سەرەکى بزوتنەوەى گۆڕانى کرد لە سلێمانی، لەلایەن رێکخەرى گشتى و ژمارەیەک ئەندامی خانەی راپەڕاندن و هەڵسوڕاوانەوە پێشوازیان لێکرا،

لە کۆبوونەوەکەی نێوانیاندا، وەفدی کۆنگرەی نەتەوەیی کورد (کەنەکە) پیرۆزبایی لە هەڵبژاردنە ناوخۆییەکانی بزوتنەوەی گۆڕان و رێکخەرى گشتى و خانەی راپەڕاندنی کرد، تیایدا گفتوگۆ کرا دەربارەى دۆخی کوردستان و یەکڕیزیی نێوان لایەنە سیاسییەکان و یەکهەڵوێستى کورد کرا و جەختکرایەوە کە کورد لە هەر کاتێک زیاتر پێویستی بە هاوکاری و هەماهەنگى یەکتر هەیە.

لەدوای کۆبوونەوەکە، ئەحمەد قەرەموس هاوسەرۆکى کەنەکە لە لێدوانێکى رۆژنامەوانیدا رایگەیاند، "لە کۆبونەوەماندا لەگەڵ رێکخەرى گشتى بزوتنەوەى گۆڕان دەربارەى پرسى یەکێتى نەتەوەیی و ئەو هێرشانەى لەسەر رۆژئاواى کوردستانە گفتوگۆمان کرد و لەو بارەیەوە هەڵوێستى هاوبەشمان هەبو هەڵوێستى هەردولامان زۆر ئەرێنی بوو".

راشیگەیاند، "هەر چوار پارچەى کوردستان لەژێر هەڕەشەى دوژمناندایە بۆیە پێویستە هەمو کورد هەڵوێستێکى هاوبەش و نەتەوەیی هەبێت بۆ پاراستنى  هەمو کوردستان و یەکڕیزى نەتەوەیی لە هەر چوار پارچەى کوردستان و داوا دەکەین هەڵوێستى هەمو کوردستان یەک بێت".

هەروەک سوپاسى بزوتنەوەى گۆڕانی کرد کە نوێنەرەکانیان لەناو کۆنگرەى نەتەوەیی کورد بەشداریى کارا و رۆڵى کاریگەریان هەبووە .

هاوکات، برزۆ مەجید، سکرتێرى کاروبارى خەڵک لە خانەى راپەڕاندنى بزوتنەوەى گۆڕان لە بارەى سەردانى وەفدى کەنەکە رایگەیاند، "لە کۆبوونەوەکەدا چەند خاڵێکى گرنگ جەختى لەسەر کرایەوە یەکێک لەو خاڵانە ئەو روداوانەى ئێستان کە لە ناوچەکە بە گشتى و لە پارچەکانى کوردستان بە تایبەتى هاتونەتە پێشەوە، گرنگە هەمو هاوکار و هەماهەنگى یەکتر بین و یەکڕیز بین بۆ روبەڕوبوونەوەى ئەو روداوانەى کە دێنە پێش".

ئاماژەى بۆ ئەوەشکرد، "پەیوەندییەکانى هەمو پارچەکانى  کوردستان بەیەکەوە گرنگە و پێویستە دەنگى هەمو پارچەکانى کوردستان بەیەکەوە بگاتە ناوەندە گرنگەکانى دنیا و پێویستە یەکڕیزیى لە نێوان هەموو لایەنەکان و پارچەکانى دیکەى کوردستاندا دروست ببێت".


Copyright 2019 BMC TV. All right reserved

Designed and Developed by AVESTA GROUP