Alternate Text

زۆرترین بینراو

Alternate Text

ئەبو مەهدی موهەندیس کێیە؟

عێراق

بینراو 4818

پێش 3 هەفتە

Alternate Text
+ -

ئەبو مەهدی موهەندیس پیاوی دووەمی حەشدی شەعبییەو ناوی تەواوی جەمال جەعفەرەو بە ئەسڵ عێراقییەو خاوەنی رەگەزنامەی ئێرانییە.

وەرگرتنی نازناوی موهەندیس بەهۆی ئەوەوە پێیدراوە، كە بەرپرسی تەواوی ئۆپەراسیۆنەكانە لەعێراق‌و ناوچەكە.

ئەبو مەهدی موهەندیس دامەزرێنەری چەند میلیشیایەكی ئێرانییە، ئەوەش دوای بەشداری لەشەڕی ئێران عێراق لەساڵەكانی 1980/1988.

فەرماندەی "فریق التوابین"، كە لەلایەن ئەو كەسانەوە پێكهێنرابوو لەشەڕی ئێران عێراق لەلایەن سوپای عێراقەوە بەدیل گیرابوون‌و دواتر ئازاد كرابوون.

موهەندیس تۆمەتبار بوو بەكوشتی چەندین كەس لەناوخۆی عێراق دەرەوەی عێراق، هەروەها تۆمەتباربوو بەتەقاندنەوەی باڵوێزخانەی عێراق لە بەیروتی لوبنان لەساڵی 1981، هەروەها پیلانی داناوە بۆ هێرشی سەر باڵوێزخانەی ئەمریكا لەبەیروت لەساڵی 1983و تەقاندنەوەی بنكەیەكی سەربازی ئەمریكی لە كوێت لەساڵی 1983.

تۆمەتباریشە بە هەوڵی كوشتنی ئەمیری كوێت لەساڵی 1985و هەوڵی كوشتنی تارق عەزیز وەزیری دەرەوەی عێراق لەسەردەمی رژێمی سەدام حوسێن.

چۆن كوژرا
شەوی رابردوو چەند موشەكێك ئاراستەی بەشی باشووری فڕۆكەخانەی بەغدا كراو بەهۆیەوە كرایە ئامانج، كە لەناو ئەو كەسانەدا بووە بەهۆی هێرشەكەوە كوژراوە، جگە لەویش قاسم سلێمانی فەرماندەی سوپای قودسی ئێرانی‌و چەند سەركردەیەكی حەشدیش هەبوون.

كوژرانیشی لەكاتێكدایە رۆژی سێ‌ شەممەی رابردوو سەرپەرشتی خۆپیشاندانی لایەنگرانی حەشدی شەعبی كرد بۆ سەر باڵوێزخانەی ئەمریكا لەبەغدا، كە ئەوە كاردانەوەی توندی واشنتۆنی بەدواوە هات.

Copyright 2019 BMC TV. All right reserved

Designed and Developed by AVESTA GROUP